(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 228

॥ శ్రీః ॥
1.228. అధ్యాయః 228
Mahabharata - Adi Parva - Chapter Topics
పాండవానాం సమీపే నారదాగమనం॥ 1 ॥
Mahabharata - Adi Parva - Chapter Text

జనమేజయ ఉవాచ। 1-228-0x(1251)(9919)
ఏవం సంప్రాప్య రాజ్యం తదింద్రప్రస్థే తపోధన।
అత ఊర్ధ్వం నరవ్యాఘ్రాః కిమకుర్వత పాండవాః॥ 1-228-1(9920)
సర్వ ఏవ మహాత్మానః సర్వే మమ పితామహాః।
ద్రౌపదీ ధర్మపత్నీ చ కథం తానన్వవర్తత॥ 1-228-2(9921)
కథమాసుశ్చ కృష్ణాయామేకస్యాం తే నరర్షభాః।
వర్తమానా మహాభాగా నాభిద్యంత పరస్పరం॥ 1-228-3(9922)
శ్రోతుమిచ్ఛాంయహం తత్ర విస్తరేణ యథాతథం।
తేషాం చేష్టితమన్యోన్యం యుక్తానాం కృష్ణయా సహ॥ 1-228-4(9923)
వైశంపాయన ఉవాచ। 1-228-5x(1252)
ధృతరాష్ట్రాభ్యనుజ్ఞాతా ఇంద్రప్రస్థం ప్రవిశ్య తత్।
రేమిరే పురుషవ్యాఘ్రాః కృష్ణయా సహ పాండవాః॥ 1-228-5(9924)
ప్రాప్య రాజ్యం మహాతేజాః సత్యసంధో యుధిష్ఠిరః।
పాలయామాస ధర్మేణ పృథివీం భ్రాతృభిః సహ॥ 1-228-6(9925)
జితారయో మహాత్మానః సత్యధర్మపరాయణాః।
ఏవం పురమిదం ప్రాప్య తత్రోషుః పాండునందనాః॥ 1-228-7(9926)
కుర్వాణాః పౌరకార్యాణి సర్వాణి భరతర్షభాః।
ఆసాంచక్రుర్మహార్హేషు పార్థివేష్వాసనేషు చ॥ 1-228-8(9927)
తేషు తత్రోపవిష్టేషు పాండవేషు మహాత్మసు।
ఆయయౌ ధర్మరాజం తు ద్రష్టుకామోఽథ నారదః॥ 1-228-9(9928)
`పథా నక్షత్రజుష్టేన సుపర్ణాచరితేన చ।
చంద్రసూర్యప్రకాశేన సేవితేన మహర్షిభిః॥ 1-228-10(9929)
నభస్స్థలేన దివ్యేన దుర్లభేనాతపస్వినాం।
భూతార్చితో భూతధరాం రాష్ట్రమందిరభూషితాం॥ 1-228-11(9930)
అవేక్షమాణో ద్యుతిమానాజగామ మహాతపాః।
సర్వవేదాంతగో విప్రః సర్వవేదాంగపారగః॥ 1-228-12(9931)
పరేణ తపసా యుక్తో బ్రాహ్మేణ తపసా వృతః।
నయే నీతౌ చ నిస్తో విశ్రుతశ్చ మహామునిః॥ 1-228-13(9932)
పరాత్పరతరం ప్రాప్తో ధర్మాన్సమభిజగ్మివాన్।
భావితాత్మా గతరజాః శాంతో మృదుర్ఋజుర్దివజః॥ 1-228-14(9933)
ధర్మేణాధిగతః సర్వైర్దేవదానవమానుషైః।
క్షీణకర్మసు పాపేషు భూతేషు వివిధేషు చ॥ 1-228-15(9934)
సర్వథా కృతమర్యాదో వేదేషు వివిధేషు చ।
శతశః సోమపా యజ్ఞే పుణ్యే పుణ్యకృదగ్నిచిత్॥ 1-228-16(9935)
ఋక్సామయజుషాం వేత్తా న్యాయదృగ్ధర్మకోవిదః।
ఋజురారోహబాన్వృద్ధో భూయిష్ఠపథికోఽనఘః॥ 1-228-17(9936)
శ్లక్ష్ణయా శిఖయోపేతః సంపన్నః పరమత్విషా।
అవదాతే చ సూక్ష్మే చ దివ్యే చ రచితే శుభే॥ 1-228-18(9937)
మహేంద్రదత్తే మహతీ బిభ్రత్పరమవాససీ।
జాంబూనదమయే దివ్యే గండూపదముఖే నవే॥ 1-228-19(9938)
అగ్న్యర్కసదృశే దివ్యే ధారయన్కుండలే శుభే।
రాజతచ్ఛత్రముచ్ఛ్రిత్య చిత్రం పరమవర్చసం॥ 1-228-20(9939)
ప్రాప్య దుష్ప్రాపమన్యేన బ్రహ్మవర్చసముత్తమం।
భవనే భూమిపాలస్య బృహస్పతిరివాప్లుతః॥ 1-228-21(9940)
సంహితాయాం చ సర్వేషాం స్థితస్యోపస్థితస్య చ।
ద్విపదస్య చ ధర్మస్య క్రమధర్మస్య పారగః॥ 1-228-22(9941)
గాధా సామానుసామజ్ఞః సాంనాం పరమవల్గునాం।
ఆత్మనః సర్వమోక్షిభ్యః కృతిమాన్కృత్యవిత్సదా॥ 1-228-23(9942)
యజుర్ధర్మైర్బహువిధైర్మతో మతిమతాం వరః।
విదితార్థః సమశ్చైవ చ్ఛేత్తా నిగమసంశయాన్॥ 1-228-24(9943)
అర్థనిర్వచనే నిత్యం సంశయచ్ఛిదసంశయః।
ప్రకృత్యా ధర్మకుశలో దాతా ధర్మవిశారదః॥ 1-228-25(9944)
లోపేనాగమధర్మేణ సంక్రమేణ చ వృత్తిషు।
ఏకశబ్దాంశ్చ నానార్థానేకార్థాంశ్చ పృథక్కృతాన్॥ 1-228-26(9945)
పృథగర్థాభిధానాంశ్చ ప్రయోగానన్వవేక్షితా।
ప్రమాణభూతో లోకేషు సర్వాధికరణేషు చ॥ 1-228-27(9946)
సర్వవర్ణవికారేషు నిత్యం కుశలపూజితః।
స్వరేఽస్వరే చ వివిధే వృత్తేషు వివిధేషు చ॥ 1-228-28(9947)
సమస్థానేషు సర్వేషు సమాంనాయేషు ధాతుషు।
ఉద్దేశ్యానాం సమాఖ్యాతా సర్వమాఖ్యాతముద్దిశన్॥ 1-228-29(9948)
అభిసంధిషు తత్త్వజ్ఞః పదాన్యంగాన్యనుస్మరన్।
కాలధర్మేణ నిర్దిష్టం యథార్థం చ విచారయన్॥ 1-228-30(9949)
చికీర్షితం చ యో వేత్తా యథా లోకేన సంవృతం।
విభాషితం చ సమయం భాషితం హృదయంగమం॥ 1-228-31(9950)
ఆత్మనే చ పరస్మై చ స్వరసంస్కారయోగవిత్।
ఏషాం స్వరాణాం జ్ఞాతా చ బోద్ధా ప్రవచనః స్వరాట్॥ 1-228-32(9951)
విజ్ఞాతా చోక్తవాక్యానామేకతాం బహుతాం తథా।
బోద్ధా హి పరమార్థాంశ్చ వివిధాంశ్చ వ్యతిక్రమాన్॥ 1-228-33(9952)
అభేదతశ్చ బహుశో బహుశశ్చాపి భేదతః।
వక్తా వివిధవాక్యానాం నానాదేశసమీక్షితా॥ 1-228-34(9953)
పంచాగమాంశ్చ వివిధానాదేశాంశ్చ సమీక్షితా।
నానార్థకుశలస్తత్ర తద్ధితేషు చ కృత్స్నశః॥ 1-228-35(9954)
పరిభూషయితా వాచాం వర్ణతః స్వరతోఽర్థతః।
ప్రత్యయం చ సమాఖ్యాతా నియతం ప్రతిధాతుకం॥ 1-228-36(9955)
పంచ చాక్షరజాతాని స్వరసంజ్ఞాని యాని చ।
తమాగతమృషిం దృష్ట్వా ప్రత్యుద్గంయాభివాద్య చ॥' 1-228-37(9956)
ఆసనం రుచిరం తస్మై ప్రదదౌ స యుధిష్ఠిరః।
`కృష్ణాజినోత్తరే తస్మిన్నుపవిష్టో మహానృషిః॥' 1-228-38(9957)
దేవర్షేరుపవిష్టస్య స్వయమర్ధ్యం యథావిధి।
ప్రాదాద్యుధిష్ఠిరో ధీమాన్రాజ్యం తస్మై న్యవేదయత్।
ప్రతిగృహ్య తు తాం పూజామృషిః ప్రీతమనాస్తదా॥ 1-228-39(9958)
ఆశీర్భిర్వర్ధయిత్వా చ తమువాచాస్యతామితి।
నిషసాదాభ్యనుజ్ఞాతస్తతో రాజా యుధిష్ఠిరః॥ 1-228-40(9959)
ప్రేషయామాస కృష్ణాయై భగవంతముపస్థితం।
శ్రుత్వైతద్ద్రౌపదీ చాపి శుచిర్భూత్వా సమాహితా॥ 1-228-41(9960)
జగామ తత్ర యత్రాస్తే నారదః పాండవైః సహ।
తస్యాభివాద్య చరణౌ దేవర్షేర్ధర్మచారిణీ॥ 1-228-42(9961)
కృతాంజలిః సుసంవీతా స్థితాఽథ ద్రుపదాత్మజా।
తస్యాశ్చాపి స ధర్మాత్మా సత్యవాగృషిసత్తమః॥ 1-228-43(9962)
ఆశిషో వివిధాః ప్రోచ్య రాజపుత్ర్యాస్తు నారదః।
గంయతామితి హోవాచ భగవాంస్తామనిందితాం॥ 1-228-44(9963)
గతాయామథ కృష్ణాయాం యుధిష్ఠిరపురోగమాన్।
వివిక్తే పాండవాన్సర్వానువాచ భగవానృషిః॥ 1-228-45(9964)
పాంచాలీ భవతామేకా ధర్మపత్నీ యశస్వినీ।
యథా వో నాత్ర భేదః స్యాత్తథా నీతిర్విధీయతాం॥ 1-228-46(9965)
సుందోపసుందౌ హి పురా భ్రాతరౌ సహితావుభౌ।
ఆస్తామవధ్యావన్యేషాం త్రిషు లోకేషు విశ్రుతౌ॥ 1-228-47(9966)
ఏకరాజ్యావేకగృహావేకశయ్యాసనాశనౌ।
తిలోత్తమాయాస్తౌ హేతోరన్యోన్యమభిజఘ్నతుః॥ 1-228-48(9967)
రక్ష్యతాం సౌహృదం తస్మాదన్యోన్యప్రీతిభావకం।
యథా వో నాత్ర భేదః స్యాత్తత్కురుష్వ యుధిష్ఠిర॥ 1-228-49(9968)
యుధిష్ఠిర ఉవాచ। 1-228-50x(1253)
సుందోపసుందావసురౌ కస్య పుత్రౌ మహామునే।
ఉత్పన్నశ్చ కథం భేదః కథం చాన్యోన్యమఘ్నతాం॥ 1-228-50(9969)
అప్సరా దేవకన్యా వై కస్య చైషా తిలోత్తమా।
యస్యాః కామేన సంమత్తౌ జఘ్నతుస్తౌ పరస్పరం॥ 1-228-51(9970)
ఏతత్సర్వం యథా వృత్తం విస్తరేణ తపోధన।
శ్రోతుమిచ్ఛామహే బ్రహ్మన్పరం కౌతూహలం హి మే॥ ॥ 1-228-52(9971)

ఇతి శ్రీమన్మహాభారతే ఆదిపర్వణి విదురాగమనరాజ్యలాభపర్వణి అష్టావింశత్యధికద్విశతతమోఽధ్యాయః॥ 228 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.